தனியொருவனாக பெங்களூருக்கு பயம்காட்டிய ராகுல்; அபாரமாக வென்றது பஞ்சாப்!

ஐ.பி.எல் ரி-20 தொடரின் 6வது போட்டி இன்று (24) பின்னிரவு நிறைவுக்கு வந்தது. பெங்களூர் அணியுடனான இந்தப் போட்டியில் பஞ்சாப் அணி 97 ஓட்டங்களினால் அபார வெற்றி பெற்றுள்ளது.

இப்போட்டியில முதலில் துடுப்பெடுத்தாடிய கிங்ஸ் லெவன் பஞ்சாப் அணி லோகேஸ் ராகுலின் அதிரடி சதத்துடன் 20 ஓவர்களில் 3 விக்கெட்டுகளை மட்டும் இழந்து அபாரமாக 206 ஓட்டங்களைப் பெற்றுக்கொண்டது.

அணிசார்பாக, ராகுல் 69 பந்துகளில் 7 சிக்ஸ்சர்கள், 14 பவுண்டரியுடன் ஆட்டமிழக்காது 132 ஓட்டங்களையும், மயங் அகர்வால் 26 ஓட்டங்களையும் பெற்றுக்கொடுத்தனர்.

பெங்களூரின் பந்துவீச்சில், அதிகபட்சம் சிவம் டுபே 2 விக்கெட்களை கைப்பற்றினார்.

இந்நிலையில், ரோயல் சலஞ்சர்ஸ் பெங்களூர் அணி 207 என்ற வெற்றியிலக்கை நோக்கித் துடுப்பெடுத்தாடிய நிலையில் 17 ஓவர்களில் சகல விக்கெட்களையும் இழந்து 109 ஓட்டங்களைப் பெற்றுத் படுதோல்வியடைந்தது.

அணிசார்பில் துடுப்பாட்டத்தில் அதிகபட்சம் 30 ஓட்டங்களை பெற்றார்.

பஞ்சாப்பின் பந்துவீச்சில் முருகன் அஸ்வின், ரவி பிஸ்நொய் ஆகியோர் தலா 3 விக்கெட்டுக்களை வீழ்த்தினர்.

WP2Social Auto Publish Powered By : XYZScripts.com