மட்டக்களப்பில் முன்னாள் போராளி திடீரென உயிரிழப்பு!

மட்டக்களப்பு – வந்தாறுமூலையில் விடுதலைப் புலிகள் அமைப்பில் இருந்த முன்னாள் போராளி ஒருவர் திடீரென உயிரிழந்துள்ளார்.

விடுதலைப்புலிகள் அமைப்பில் லெப்டினன்ட் கேணல் தரநிலையில் இருந்த இருந்த கோவிந்தன் சந்திரசேகர் என்பவரே இவ்வாறு உயிரிழந்தவராவார்

1987 ஆம் ஆண்டு தமிழீழ விடுதலைப்புலிகள் அமைப்பில் இணைந்த இரண்டு பிள்ளைகளின் தந்தையான 55 வயதுடைய ராமு என்று அழைக்கப்படும் கோவிந்தன் சந்திரசேகர் நேற்றைய தினம் தனது இல்லத்தில் மாரடைப்பால் உயிரிழந்துள்ளதாக உறவினர்கள் தெரிவித்துள்ளனர்.

இவர் விடுதலைப் பேராட்ட இயக்கத்தில் மருத்துவ பணியில் இருந்ததுடன் ஜெயந்தன் படையணியின் பிரிவு பொறுப்பாளராகவும் லெப்டினன்ட் கேணல் இரண்டாம் நிலை தளபதியாகவும் இருந்துள்ளார்.

யுத்தம் முடிவுற்ற பின்னர் 2011 ஆம் ஆண்டு புனர்வாழ்வு அளிக்கப்பட்டு வீடு திரும்பியிருந்தார்.

அதன் பின்னர் அவர் ஸ்ரீ மஹா பெரிய தம்பிரான் ஆலய தலைவராக பணியாற்றி வந்துள்ளார்.

அவரது இறுதி கிரியைகள் வந்தாறுமூலையிலுள்ள அவரது இல்லத்தில் இன்றைய தினம் இடம்பெற்றுள்ளது.

WP2Social Auto Publish Powered By : XYZScripts.com